Qazalyda saýda ortalyǵy órtendi
QYZYLORDA. QazAqparat - Qyzylorda oblysy Qazaly aýdanynyń ortalyǵy - Áıteke bı kentinde saýda ortalyǵy órtendi, dep habarlaıdy QazAqparat tilshisi.
Oqıǵa búgin, 15 qarashada «Arý-Ilııa» saýda ortalyǵynda boldy. Saýda ortalyǵynyń birinshi qabatyndaǵy tóbe jabyny órtengen. Tóbe jabyny dekor jáne aǵashtan jasalǵan.
«Órt joǵary qabattaǵy jáne ózge de býtıkterge jaıylý qaýpi týyndaǵan. Órt sóndirýshilerdiń jedel is áreketiniń arqasynda qaýip seıildi.
Oqıǵa saldarynan qaza bolǵandar jáne jaraqat alǵandar joq. Órttiń shyǵý sebebi men kelgen shyǵyn mólsheri anyqtalýda», - dedi Qyzylorda oblystyq Tótenshe jaǵdaılar departamenti Órt sóndirý jáne avrııalyq-qutqarý jumystary qyzmetiniń baspasóz hatshysy Álııa Erejepova.
Esterińizge sala ketelik, bıylǵy maýsym aıynda Qazalydaǵy ortalyq bazardan órt shyqqan bolatyn.
