Qazalyda popkorn shyǵarylady
Tuńǵysh Prezıdent - Elbasy Nursultan Nazarbaevtyń 2018 jylǵy 5 qazandaǵy joldaýynda bıznesti órkendetýdiń turaqty kózderin qalyptastyryp, jeke ınvestıtsııany yntalandyrý jáne naryq erkindigin qoldaý kerektigi aıtylǵan.
Qazaly aýdanyna qarasty Birlik aýylynda turatyn Gúlsaıa Qutjanova joǵary sapadaǵy popkorn óndiredi. Jańa taýarǵa kásip ıesi «Tompı» degen ataý bergen.
El turǵyndaryna Qazaly kámpıti, «Dámdi» sútimen tanylǵan Qazaly aýdany endi dámi til úıirer popkorn arqyly turǵyndar suranysyna qyzmet etpek. Búginde Qazaly, Aral, Baıqońyr jáne Qyzylorda qalasynan atalǵan popkorn ónimine suranys joǵary.
«Men «Bıznes Bastaý» baǵdarlamasynyń oqytý kýrsynan óttim. Aımaqtyq ınvestıtsııalyq ortalyǵynan nesıe alyp, kásibimdi bastadym. Nesıe qarajatyna Reseıden 3 qurylǵy alyp keldim. Qazirdiń ózinde úsh birdeı qyzmet tseh jumys jasaıdy», - dedi Gúlsaıa Qutjanova.
Popkornnyń naryqtaǵy quny da qymbat emes. Ony 80 teńgeden alýǵa bolady. Kásiporyn qazirdiń ózinde 20 myń popkorn ónimin óndiredi. Ol endigide qoraptaǵy júgeri shyǵarýǵa nıetti.
«Men «Tompı» popkorn ónimin brendke aınaldyrǵym keledi. Ónimniń qaptamasynda taqııa kıgen smaılık beınesi tur. ıAǵnı, otandyq ónim ekendigin bildirý maqsatynda osylaı jasadyq. Popkorndy halyqqa keńirek tanystyrý úshin saýda ortalyqtarymen kelisimge kelýdi josparladyq. Qyzylorda qalasynda halyq jıi baratyn «Magným» saýda ortalyǵynda popkorn satylmaıdy eken. Sondyqtan bizdiń ónimimizdi iri saýda núktelerine shyǵarý isin qolǵa aldyq»,-dedi kásipker.
Budan buryn Qyzylordada agroónerkásip keshen salasynda 148 joba júzege asatynyn habarlaǵan edik.
