Qazalyda muz aıdyny ashyldy
QYZYLORDA. QazAqparat - Qyzylorda oblysy Qazaly aýdany Áıteke bı kentiniń ortalyq alańynda muz alańy ashyldy.
Aýdan ákimi Bahyt Jahanov turǵyndardyń qýanyshymen bólisti. Aýdan turǵyndarynyń qysqy ýaqytyn tıimdi paıdalaný maqsatynda 20 dana syrǵanaý shańǵysy men 100 dana konkı ákelingen bolatyn. Bul týraly aýdandyq ákimdiktiń baspasóz qyzmeti habarlady.
Byltyrǵy jyldyń basynda aýdanda turaqty túrde sportpen shuǵyldanýshylar sany 17250 adamǵa jetse, bul kórsetkish aýdan halqynyń 23 paıyzyn quraǵan bolatyn.
Al, jyl aıaǵynda turaqty túrde sportpen shuǵyldanýshylardyń sany 18242 adamǵa jetip, bul kórsetkish 24 paıyzǵa jetti.
Ótken jyly 250 sporttyq jarys ótkizilip, 62755 adam tartyldy, onyń ishinde 171 sporttyq is-shara jastar jáne jasóspirimder arasynda ótkizildi.
Sondaı aq, sheberlikti jetildirý maqsatynda birqatar jumystar júrgizildi. Sport túrleri boıynsha sportshylar oblystyq, respýblıkalyq, halyqaralyq jarystarǵa qatysyp, 33 altyn, 38 kúmis, 42 qola medalǵa qol jetkizdi.
Bıylǵy jyly da sporttyq sharalarǵa, onyń ishinde, múgedekter arasyndaǵy is-sharalarǵa asa mán berilip otyr.
