Qazalyda máslıhat depýtattyǵyna úmitkerler aýdan turǵyndarymen kezdesti

NUR-SULTAN. QazAqparat - R.Baǵlanova atyndaǵy mádenıet úıinde «Nur Otan» partııasy Qazaly aýdandyq fılıaly atynan aýdandyq máslıhatyń depýtattyǵyna úmitkerler Jarylqap Baqytjan, Talǵat Álipbaev pen Gúldári Imanalıeva aýdan turǵyndarymen kezdesip, úgit-nasıhat jumystaryn júrgizdi, dep habarlaıdy QazAqparat.

Kezdesý barysynda Áıteke bı kentiniń turǵyny Baqtybaı Seısenkúl erekshe balalarǵa arnalǵan resýrstyq ınklıýzıvti ortalyqtar ashý máselesin kóterdi.

Turǵynnyń máselesine oraı, kandıdat Baqytjan Dúzelbaıuly aldaǵy 5 jylǵa josparlanǵan baǵdarlama aıasynda ınklıýzıvti kabınetter men logopedtik pýnktterdi ashýǵa jáne olardy arnaıy mamandarmen qamtamasyz etýge jaǵdaı jasalatyndyǵyn jetkizdi.

Úmitkerler partııanyń «Ózgerister joly: ár azamatqa laıyqty ómir» atty baǵdarlamasyn turǵyndarǵa tyńǵylyqty túsindirip, usynystar men saýaldarǵa túsiniktemeler berdi.