Qazalyda qurylysshylardyń mert bolýyna baılanysty oqıǵanyń jaı-japsary anyqtaldy
QYZYLORDA. QazAqparat - Qyzylorda oblysynyń Qazaly aýdanynda qurylys nysanynda eki adamnyń mert bolýyna baılanysty oqıǵanyń jaı-japsary anyqtaldy, dep habarlaıdy QazAqparat tilshisi.
Atalmysh oqıǵa «QazQurylysServıs» JShS-ne qarasty qurylys nysanynda oryn alǵan. Seriktestik aýdan ortalyǵy - Áıteke bı kentinen mádenıet úıin salyp jatqan bolatyn. Qurylys nysanynda 29 jastaǵy eki azamat 11 metr bıikten qulap túsken.
«Eki azamat eki aı buryn eńbek shartymen jumysqa shyqqan eken. Qurylys merdigeri – «QazQurylysServıs» seriktestigi 2006 jyly tirkelgen.Qazir qaýipsizdik talaptarynyń saqtalý jaǵdaıy jáne qaıǵyly jaǵdaıdyń oryn alý sebebi anyqtalýda. Qurylysshylar sol aýmaqta 600 oryndyq mádenıet úıin salyp jatqan edi», - dep málim etti Qyzylorda oblystyq eńbek salasyndaǵy baqylaý basqarmasynyń basshysy Ertileý Jalǵasbaev.
Esterińizge sala ketelik, 29 qazanda Áıteke bı kentinde qurylys nysanynda qaıǵyly jaǵdaıy oryn alǵan bolatyn.
Sondaı-aq, budan buryn Qyzylorda oblystyq polıtsııa departamentiniń baspasóz qyzmeti atalmysh oqıǵa boıynsha qylmystyq is qozǵalǵanyn habarlady.
