Qazalyda QR gandbol federatsııasynyń kýbogy aıaqtaldy - Qyzylorda oblysy (FOTO)
QYZYLORDA. QazAqparat - Qyzylorda oblysy, Qazaly aýdanynda gandboldan 2000 j.t jáne odan kishi jastaǵy qyzdar arasynda QR gandbol federatsııasynyń kýbogy aıaqtaldy, dep habarlady oblystyó dene shynyqtyrý jáne sport basqarmasynyń baspasóz qyzmetinen.
Oǵan Qyzylorda qalasy men barlyq aýdandardan 8 komanda qatysty. Aıtýly jarys QR gandbol federatsııasynyń qoldaýymen bıyl úshinshi márte uıymdastyrylyp otyr.
Maqsaty - aýyldyq eldi mekenderde gandboldy damytý, jastardy sportqa tartý, salamatty ómir saltyn nasıhattaý, dostyq qarym-qatynasty nyǵaıtý jáne tájirıbe almasý.
Tórt kúnge sozylǵan tartysty oıynnyń nátıjesi boıynsha Qyzylorda qalasynyń komandasy kósh bastady. Ekinshi oryndy Qazaly aýdany ıelense, úshinshi oryndy Jańaqorǵan aýdanynyń komandasy enshiledi. Al, tórtinshi oryn Shıeli aýdanyna buıyrdy.
Úzdik oıynshylar - Ferýza Ysqaqova, Olesıa Malysheva, Tatıana Davydova, Ksenııa Pýpchenkova, Jamıra Nurqojaeva (barlyǵy Qyzylorda q.), Aıǵanys Nazar (Jańaqorǵan aýd.), Aısana Ábdikárim (Qazaly aýd.).
Jeńimpaz jáne júldeger komandalar medal, dıplom jáne estelik syılyqtarmen marapattaldy.
