Qazalyda kóshe boıynda shóp tıelgen júk kóligi órtendi

QYZYLORDA. QazAqparat – Qyzylorda oblysy Qazaly aýdanynyń ortalyǵy Áıteke bı kentinde kóshe boıynda shóp tıelgen «GAZel» kóligi tolyǵymen janyp ketti. Qyzyl jalynnyń áseri jaqyn ornalasqan turǵyn úıge áser etken, dep habarlaıdy QazAqparat tilshisi.

Oqıǵa 23 qyrkúıekte saǵat 11:10-da bolǵan. Kólik Áıteke bı kentindegi Jetes bı kóshesiniń boıynda órtengen.

«Oqıǵa ornyna №9 órt sóndirý bólimshesinen bir tehnıka men 4 qyzmetker bardy. Mamandar oqıǵa ornyna barǵanda júk kóligi tolyǵymen janyp jatqanyn anyqtady. Sol aýmaqqa jaqyn ornalasqan turǵyn úıdiń biriniń shatyryna órt tıgen. Terezesi balqyp, áınekteri synǵan. Órt tolyǵymen sóndirildi», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, Qyzylorda oblysyndaǵy aýylda eki kún qatarynan qoralar órtendi .