Qazalyda kompressorlyq stantsııa iske qosyldy

QAZALY. QazAqparat - Qazaly aýdanyndaǵy Aqsýat aýylynda «Qorqyt Ata» kompressorlyq stantsııasy iske qosyldy, dep habarlaıdy QazAqparat tilshisi.

Saltanatty sharaǵa aýdan ákimi Murat Ergeshbaev, «Intergaz Ortalyq Azııa» AQ bas dırektorynyń orynbasary Muhataı Shańbatyrov, «QazTransGaz Aımaq» AQ Qyzylorda óndiristik fılıalynyń dırektory Talǵat Qyzylbaev qatysty. Qonaqtar «Qorqyt Ata» kompressorlyq stantsııasynyń ishki qurylymyn aralap, jumysymen tanysty.

Aýdan ákimi «Qorqyt Ata» kompressorlyq stantsııasynyń ashylý rásimin jasap, stantsııanyń jumysyna sáttilik tiledi.

Aıta ketý kerek, Elbasynyń qoldaýymen bastalǵan iri strategııalyq mańyzy bar - "Beıneý-Bozoı-Shymkent" magıstraldy gaz qubyry Syr eline zor múmkindik berdi. Oblys aýmaǵynan ótetin 846 shaqyrymdyq gaz qubyry Qyzylorda oblysyn gazdandyrýǵa jol ashty. Bul Elbasynyń jasaǵan tikeleı qamqorlyǵymen, aımaq basshysynyń qoldaýymen júzege asyrylýda.