Qazalyda keshki mekteptiń esepshisi sottaldy
QAZALY. QazAqparat - Qazalyda 2 mıllıonnan astam qarjyny jymqyrǵan keshki mekteptiń esepshisi sottaldy, dep habarlaıdy QazAqparat tilshisi.
Qazaly aýdandyq sotynyń sýdıasy Dáýren Ábdihalyqovtyń habarlaýynsha, óziniń qyzmettik babyn asyra paıdalanǵan keshki mekteptiń esepshisi 2,5 mıllıonǵa jýyq teńgeni jeke kart-shotyna aýdaryp alǵan.
«Sottalýshy Qazaly aýdanynyń bilim bóliminiń jalpy bilim beretin keshki mektebiniń esepshisi qyzmetinde júrip, 2017 jyldyń aqpan aıy men 2018 jyldyń aqpan aıynyń aralyǵynda óziniń qyzmettik babyn paıdalana otyryp, 2 472 700 teńgeni jeke kart-shotyna aýdaryp alǵan. Sóıtip, ózine senip tapsyrylǵan memlekettiń múlkin ıemdenip, 2 472 700 teńge zııan keltirgen», - deıdi sýdıa D.Ábdihalyqov.
Sot úkimimen ol Qazaqstan Respýblıkasy Qylmystyq Kodeksiniń 189-baby 3-bóliginiń 1-tarmaǵymen kináli dep tanylyp, 5 jylǵa bas bostandyǵynan aıyryldy. Qylmystyq Kodekstiń 63-babyna saı taǵaıyndalǵan jaza shartty dep eseptelip, oǵan 5 jyl synaq merzimi belgilendi. Sol merzimge probatsııalyq baqylaý belgilendi.
Úkim zańdy kúshine engen joq.
