Qazalyda qatty jelden birqatar nysandardyń shatyryna zııan keldi - Qyzylorda
QYZYLORDA. QazAqparat - Qyzylorda oblysy Qazaly aýdanynda qatty jeldiń saldarynan birqatar nysandardyń shatyryna zııan keldi, dep habarlaıdy QazAqparat tilshisi.
Oqys oqıǵa 13 aqpanda aýdan ortalyǵy men Bozkól aýylynda boldy.
«Qatty jeldiń saldarynan Qazaly aýdanynyń ortalyǵy Áıteke bı kentindegi «RZA dúkeni» saýda úıi men Bozkól aýylyndaǵy №96 mekteptiń shatyryna zııan keltirgen. Oqys oqıǵadan zardap shekkender joq. Mamandar shuǵyl qaıta qalpyna keltirý sharalary boıynsha tıisti jumystar atqarýda», - dep málim etti Qazaly aýdany ákimdiginen.
Eske salsaq, budan buryn Qyzylordada kókónis alyp kele jatqan júk kóligi órtendi.
Oqıǵa 13 aqpanda saǵat 22.00 shamasynda «Samara-Shymkent» tas jolynyń Jańaqorǵan aýdany Birlik aýyly tusynda bolǵan.
