Qazalyda eki turǵyn teplovozdyń akkýmýlıatorlaryn urlaǵan
QAZALY. QazAqparat - Qyzylorda oblysy Qazaly aýdanynda teplovozdyń akkýmýlıatorlary urlandy, dep habarlaıdy QazAqparat tilshisi.
Qazaly aýdandyq sotynyń baspasóz qyzmetiniń ókili Aqylbek Qazybekulynyń aıtýynsha, aýdandyq sotta urlyq jasaý faktisimen aıyptalǵan eki kúdiktiniń isi qaraldy. Olar aldyn-ala oılasyp, lokomotıv jóndeý zaýytyna zańsyz kirip, 5 dana teplovoz akkýmýlıatoryn urlaıdy. Sóıtip, jábirlenýshige jalpy quny 187 000 teńge materıaldyq zalal keltirip, oqıǵa ornynan boı tasalaǵan.
«Basty sot talqylaýynda sýdıa eki tarapqa Qylmystyq kodekstiń 68-babynyń 1-bóligine sáıkes, aryz berýshimen medıatsııa tártibimen tatýlassa jáne keltirilgen zııandy qalpyna keltirse, kúdiktiler qylmystyq jaýaptan bosatylatynyn túsindirip ótti. Medıatsııany qoldanýǵa járdemdesý qylmystyq sot isin júrgizý mindetteriniń biri bolyp tabylady. Nátıjesinde sottalýshylar istegen is-áreketterine ókinip, jábirlenýshi ókilinen keshirim surap, keltirilgen shyǵyndy tolyǵymen ótegen. Óz kezeginde jábirlenýshiniń ókili keshirimdi qabyl alyp, taraptar ózara medıatsııa tártibimen tatýlasty», - deıdi Aqylbek Qazybekuly.
