Qazalyda aýyl turǵyny tushpara shyǵaratyn tseh ashty
QAZALY. QazAqparat - Qazaly aýdany Janqoja batyr aýylynyń turǵyny Baqytgúl Aınııaz «Bıznestiń jol kartasy - 2020» baǵdarlamasy arqyly 500 myń teńge memlekettik grant alyp, tushpara shyǵaratyn tseh ashty, dep habarlaıdy QazAqparat tilshisi.
Baqytgúl kásipten násip taýyp otyrǵan shańyraqtyń anasy. ıAǵnı, otbasy músheleriniń barlyǵy derlik jeke kásippen aınalysady. Joldasy Panabek mal sharýashylyǵy jáne mal azyǵyn, shóp daıyndaýmen aınalysatyn «Erish Ómirbek» sharýa qojalyǵynyń ıesi. Al, uly Toqtar Qyzylorda óńirlik ınvestıtsııalyq ortalyǵynan eki mıllıon teńge jeńildetilgen nesıe alyp, aýyldan «Qanatbek» degen ataýmen shaǵyn naýbaıhana ashty. Sonymen qatar, «Juldyz» aralas zattar dúkeniniń de jumysyn dóńgeletip otyr.
Baqytgúl kóp jyldar aýyldyq kitaphanada qyzmet etip, zeınetkerlik demalysqa shyqqan. Árkez jumysymen qatar, bala tárbıesin, otbasylyq kásiptiń berekeli bolýyna uıytqy boldy. Ónegeli shańyraqtyń kelini Baqytgúl as daıyndaýdyń da sheberi. Ol nan, tátti toqashtar men torttyń túr-túrin pisirip, uly Toqtardyń naýbaıhanasynyń sánin keltirýden jalyqqan emes. Endi óz qolymen tushpara daıyndap, tutynýshylar ıgiligine usynbaq.
«Tushpara óndirý - asa kóp shyǵyndy talap etpeıdi jáne der kezinde qaıtarymy da bolady. Ony daıyndaý kezinde sıyr etin qoldanbaqpyn. Tushparamen qosa manty, tartylǵan et óndirýdi josparlap otyrmyz. Daıyn ónimdi azyq-túlik dúkenderine ótkizbekpiz. Tushpara daıyndaý úshin aldymen qamyrdy odan keıin farshty daıyndap alamyz. Sosyn túıip, qatyryp, oraımyz. Tsehty tehnıkalyq qural-jabdyqtarmen qamtamasyz etý úshin jol júrmekpin. Oıǵa alǵan kásibimdi júzege asyrý úshin memlekettik grantqa qol jetkizgenime qýanyshtymyn. Bul bizder úshin úlken kómek», - deıdi kásipker.
