Qazalyda araq iship kelgen ákesine balasy pyshaq suqqan
QAZALY. QazAqparat - Qazaly aýdanynda araq iship kelgen ákesine balasy pyshaq suqty, dep habarlaıdy QazAqparat tilshisi.
Qazaly aýdandyq sotynyń sýdıasy Dáýren Ábdihalyqovtyń málimdeýinshe, Qazaqstan Respýblıkasy Qylmystyq Kodeksiniń 106-babynyń 1-bóligimen aıyptalǵan kúdiktige qatysty qylmystyq is qaraldy.
«Qylmystyq is 2018 jyly 11-aqpanda saǵat 21:00-der shamasynda bolǵan. Ákesi jábirlenýshi úıine araq iship keledi. Onyń mas kúıin kórgen balasy «sen nege ishe beresiń, araqty qashan qoıasyń» deıdi. Jábirlenýshi ashýǵa berilip, balasyn balaǵattap, keýdesinen ıterip jiberedi. Sottalýshy edenge qulap, janynda turǵan dastarhan ústindegi ashana pyshaǵyn alyp, ákesiniń sol jaq jaýyryn asty tusyna tyǵady. Sodan densaýlyǵyna qasaqana aýyr zııan keltirgen», - deıdi sýdıa D.Ábdihalyqov.
Іs boıynsha kúdikti kinásin tolyq moıyndady. Sot úkimimen sottalýshy QR QK-niń 106-babynyń 1-bóligimen kináli dep tanylyp, 4 jylǵa bas bostandyǵyn shekteý jazasy taǵaıyndaldy.
Úkim zańdy kúshine engen joq.
