Qazalyda anasymen renjisip, úıinen ketip qalǵan jasóspirim qyz Qyzylordadan tabyldy
QYZYLORDA. QazAqparat - Qazaly aýdanynda anasymen renjisip qalǵan jasóspirim qyz bir kúnnen keıin Qyzylorda qalasynan tabyldy, dep habarlaıdy QazAqparat tilshisi.
Qazaly aýdany Áıteke bı kentiniń turǵyny 20 qazan kúni belgisiz baǵytqa shyǵyp ketken jasóspirim qyzynyń úıge qaıta oralmaǵany jóninde habar berdi.
Іzdestirý jumystaryna aýdandyq polıtsııa bóliminiń jeke quramy jumyldyryldy.
Jan-jaqty izdeý jumystary júrgizildi. Birneshe topqa bólingen saqshylar aýdannyń barlyq aýyly men dalalyq joldardy qarap shyqty.
«Іzdestirýge jelilik polıtsııa bóliminiń qyzmetkerleri de tartyldy. Nátıjesinde úıinen ketip qalǵan qyz bir táýlik ishinde Qyzylorda qalasynan aman-esen tabyldy. Ol anasymen ursyp qalǵannan keıin osyndaı sheshimge kelgenin aıtty. Qazir ıývenaldy polıtsııa qyzmetkerleri máseleniń mán-jaıyn tekserýde», - dedi Qazaly aýdandyq polıtsııa bóliminiń bastyǵy, polıtsııa podpolkovnıgi Sábıt Arynov.
Aıta keterligi, qyzylordalyq polıtseıler jyl basynan beri joǵalǵan 23 balany ata-anasyna taýyp berdi.
