Qazalyda aqtóbelikke qaraqshylyq shabýyl jasaǵan 3 jigit ustaldy

QAZALY. QazAqparat - Qyzylorda oblysynda aqtóbelik azamatqa qaraqshylyq shabýyl jasaǵan Baıqońyr qalasynyń 3 turǵyny kóp uzamaı qolǵa tústi, dep habarlaıdy QazAqparat tilshisi.

Bul oqıǵa Qazaly aýdanynyń ortalyǵy - Áıteke bı kentinde oryn alǵan. Aýdan ortalyǵyndaǵy avtobekette belgisiz bireýler aqtóbelik turǵynnan 2 954 000 Reseı rýblin, eki uıaly telefony bar sómkesin tartyp alǵan. Sodan keıin belgisiz avtokólikke minip oqıǵa ornynan boı tasalaǵan.

Habarlamaǵa sáıkes, patrýldik polıtsııa qyzmetkerleri jedel-izdestirý sharalaryn júrgizdi. Nátıjesinde «Vaz-21014» markaly avtokóligimen qashyp bara jatqan Baıqońyr qalasynyń 3 turǵyny qolǵa tústi. Tekserý barysynda olardan aıǵaq zat retinde aqsha, telefondar alyndy. Kúdiktiler 23-25 jas aralyǵyndaǵy jigitter bolyp shyqty.

«Atalǵan derek boıynsha Qylmystyq kodekstiń 191-babynyń 4-bóliginiń 2 -tarmaǵymen (asa iri mólsherde tonaý)sotqa deıingi tergep-tekserý bastalyp, kúdiktiler ýaqytsha ustaý ızolıatoryna qamaldy. Kúdiktilerdiń kinási dáleldense, sot sheshimimen olardyń múlki tárkilenedi. Sondaı-aq, jeti jyldan on eki jylǵa deıingi merzimge bas bostandyǵynan aıyrý jazasy taǵaıyndalýy múmkin», - dep málim etti Qyzylorda oblystyq polıtsııa departamentinen.