Qazalyda 16 kelin ózara óner synyna tústi - Qyzylorda oblysy
QYZYLORDA. QazAqparat-«Qazaq kelinderiniń bar bolmysyn boılaryna jıǵan qazalylyq 16 kelin synǵa tústi, dep habarlady QazAqparat HAA tilshisi aýdandyq ákimdikke silteme jasap.
Kóktemniń nurly shýaǵymen birge kelgen shuǵylaly áıelder merekesi qarsańynda uıymdastyrylǵan mádenı shara Bekarystan bı aýylynda ótkizildi. Aýyldyq mádenıet úıiniń janyndaǵy «Asyl analar» ansambliniń oryndaýyndaǵy «Gúl-gúl jaına» ánimen bastaldy.
Qazaq áýelden «Kelini jaqsynyń keregesi altyn» dep bosaǵadan attaǵan jas jannyń tárbıesine mán bergen. Osy maqsatta ótken baıqaýdyń birinshi bóliminde kelinder ózderin kópshilikke tanystyrsa, ekinshi bólimde óz ónerlerin ortaǵa saldy. Al úshinshi bólimde qysqasha kórinis arqyly «Ibaly kelin» saıysynyń maǵynasyn asha tústi.
Alǵashqy kezeńnen-aq kórermender men qazylardyń kóńilinen shyqqan aıaýly kelin, asyl ana bolyp júrgen Bekarystandyq Jarylqasyn Nazgúl bas júldeni qanjyǵasyna baılap, syı-qurmetke bólendi. Birinshi oryndy ınabattylyǵy boıyna jarasqan jas kelin Áıteke bı kentinen qatysqan Rysmambetova Aqnur ıelense, ekinshi orynǵa Qazaly qalasynan Shaızadaeva Saltanat taban tiredi. Al úshinshi oryndy Qulmanova Aıgúl (Arandy aýyly), TáýekelovaUlpan (Laqaly aýyly), Altybaeva Qalbıbi (Abaı aýyly) ıelendi. Sonymen qatar, Birlik aýylynyń kelini Kenesary Saltanat «Inabatty kelin»,al Bozkól aýylynyń kelini Tórembetova Baný «Kórermen kózaıymy» atalymdarymen marapattaldy.
