Qazaly qalasyna - 150 jyl

Ortalyqtan jastar alańy salyndy. Ardagerler alańy abattandyrylyp, qalanyń 150 jyldyǵyna arnalǵan monýment qoıyldy. Búgingi tańda qalanyń 6 kóshesine túngi  jaryqshamdar ornatyldy. 5 kósheni asfalttaý jumystary júrgizildi. 4 kóshege bordıýrlar men jaıaý júrginshiler joly salyndy. 5 kóshege qıyrshyq tas tóseldi. ıAǵnı, qalada 11 kóshege jóndeý jumystary júrgizildi. Budan bólek, sport mektebiniń ǵımaratyn jóndelip, aınalasy abattandyryldy.
 

Mereıtoıǵa arnalǵan shara Qazaly qalasynda ótti. Aldymen oblys ákiminiń orynbasary Rýslan Rústemov qonaqtar Ǵanı Muratbaevtyń eskertkishine gúl shoqtaryn qoıyp, jastardyń jalyndy jetekshisi bolǵan tulǵaǵa taǵzym etti.

Munan soń aýdan kásipkerlerimen kezdesti. Ardagerler alańyndaǵy qala mereıtoıyna arnalyp qoıylǵan monýmenttiń ashylý saltanatyna qatysty. Kárim aqsaqal qala tarıhynan syr shertti. 

Bıyl salynǵan jastar alańynda jastarymen kezdesken oblys ákiminiń orynbasary R.Rústemov Qazaly degende Ǵanı Muratbaevtyń esimi birge atalatynyn, onyń ómiri men jastardy bilimge shaqyrý jolyndaǵy eńbegi búgingi urpaqqa úlgi ekendigin jetkizdi. Qala jastary atynan sóılegen Jánibek Jubatqanov Ǵanıdyń jerlesteri degen atqa laıyq bolýǵa umtylatyndyqtaryn aıtty.

Shara sport alańynda «Atameken - Qazalym» atty merekelik saltanatty jıynǵa jalǵasty. R.Rústemov qala turǵyndaryn mereıtoımen quttyqtap, Ǵ.Muratbaevtyń 115 jyldyǵyna oraı uıymdastyrylǵan respýblıkalyq Ǵanı Muratbaev syılyǵy ıegerlerin marapattady.

Baıqaýǵa oblystaǵy aýdandardan bólek, Almaty, Taraz, Atyraý, Aqtóbe, Shymkent, Túrkistan, Pavlodar qalasy men Batys Qazaqtan, Mańǵystaý syndy 10 oblystan iriktelgen 79 jas qatysyp, baq synasqan. Komıssııa sheshimimen jeńimpaz dep tanylǵan 21 jasqa Ǵanı Muratbaev syılyǵy tabystaldy. Mereıtoı aıasynda sporttyq sharalar uıymdastyrylyp, as berildi. Jınalǵan kópshilik Retro-festıval jáne estrada juldyzdary Roza Álqoja men Erkin Nurjanovtyń kontsertin tamashalady.