Qazaly halqy Prezıdent Joldaýyn zor yqylaspen tyńdady
Qazaly aýdanyndaǵy mektep, balabaqsha, aýrýhana sekildi mekemelerde teledıdar qoıylyp, eńbek ujymdary túgel Memleket basshysynyń halyqqa arnaǵan Joldaýyn tamashalady. Sondaı-aq, aýdan ákimi Murat Ergeshbaev ta turǵyndarmen birge tyńdady.
«Rasynda, biz Elbasynyń jyl saıynǵy Joldaýyn asyǵa kútemiz. Óıtkeni, odan jaǵymdy jańalyqtar kútemiz, kókeıdegi kúrmeýi qıyn máseleniń sheshimin tabamyz. QR Prezıdentiniń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy eldiń áleýmettik-ekonomıkalyq damýynyń ózekti máselelerine jáne qazaqstandyqtardyń turmystyq jaǵdaıyn odan ári jaqsartý mindetterine arnaldy. Tarıhı mańyzy zor qujatta eldiń birligin nyǵaıtatyn, áleýetin arttyratyn jumystardy júıeli jolǵa qoıýdyń qadamdary, ár salanyń, kásibı mamannyń jaýapkershiligin shırata túsetin tetikter anyq kórsetilgeni kóptiń kókeıine qondy», - deıdi aýdan turǵyny Nurlan Bozǵulov.
Sonymen qatar, aýdan ákimi Murat Ergeshbaev ta el Prezıdenti bul jolǵy Joldaýynda eń ózekti, qoǵamdaǵy mańyzy zor máselelerdi qozǵaǵanyn aıtyp ótti.
«Elbasymyzdyń bıylǵy Joldaýy bizdiń baǵyt-baǵdarymyzǵa aınalýy tıis. Joldaýdan týyndaıtyn mindetterdi túsindirý maqsatynda aýdan jáne aýyl turǵyndarymen kezdesip, olardy aqparattandyrý qajet», - dedi aýdan basshysy.
