Qazaly aýdanynda jaıylǵan sýda qalyp qoıǵan adamdar qutqaryldy
QYZYLORDA. QazAqparat - Búgin tańǵy 05 saǵat 15 mınýtta Basyqara sý torabynda muz keptelýi saldarynan 3 shaqyrym joǵaryda ornalasqan «Balshyqsaı» ýchaskesine sý jaıyldy, dep habarlady QazAqparat HAA tilshisi oblystyq TJD-ǵa silteme jasap.
Qaýipsiz jerge 15 adam (onyń ishinde 2 bala) shyǵarylyp, Basyqara eldi mekenindegi týystaryna jetkizildi. Saǵat 10-da Basyqara sý torabynda muz keptelý saldarynan 3 shaqyrym tómendegi «Shortaı» ýchaskesine sý jaıylǵan. Sol aýmaqta ornalasqan Q. Asanovtyń jeke sharýashylyǵynan 32 bas iri múıizdi maly jáne 16 bas jylqysy qaýipsiz aımaqqa shyǵaryldy.
Kúndizgi 10 saǵat 40 mınýtta Qyzylorda-Qazaly baǵyty boıynsha «MI-171» tikushaǵy Syrdarııa ózenine monıtorıng jumystaryn júrgizýdi bastady.
Tikushaqtyń kómegimen 18 saǵat 37 mınýtta Qumjıek ýchaskesinen 8 adam (onyń ishinde 6 bala) aýdan ortalyǵyna jetkizildi.. Qaýipsiz jerge 8 adam, onyń ishinde 6 bala shyǵaryldy.
