Qazaly aýdanynda qar qursaýynan 100 adam qutqaryldy - Qyzylorda oblysy
QYZYLORDA. QazAqparat - Ótken túni 03 saǵat 50 mınýt shamasynda Qazaly aýdany Aryq balyq aýyldyq okrýgi Áıteke bı kentinen 40 shaqyrym jerde, Janqoja batyr aýylynyń tusynda, qar qursaýynda qalyp qoıǵan 12 avtokólik (2 avtobýs, 1 gazel, 9 jeńil avtokólik) tazartylǵan jolǵa shyǵaryldy, dep habarlaıdy QazAqparat.
Kólikterde jalpy 100 adam bolǵan. Onyń 10-y - balalar.
Qutqarý jumysyna TJD «ÓSjAQJQ» MM №4 órt sóndirý bólimi (3 qyzmetker jáne 1 birlik tehnıka), Qazaly aýdandyq Tótenshe jaǵdaılar bólimi (2 qyzmetker 1 birlik tehnıka), aýdandyq ishki ister bólimi (5 qyzmetker jáne 1 birlik tehnıka) jáne jergilikti basqarý organy (3 adam jáne 1 birlik tehnıka) jumyldyryldy. Jaraqat alǵandar joq. 
