Qazaly aýdanynda et konservileý zaýyty salynady
ASTANA. QazAqparat - Qyzylorda oblysy Qazaly aýdanynda et konservileý zaýytyn salý josparlanýda, dep habarlaıdy QazAqparat.
Qazir et klasteri boıynsha daıyndyq jumysy qyzý júrgizilýde. Aımaqta «Іri qara mal etiniń eksporttyq áleýetin damytý» baǵdarlamasy aıasynda aýqymdy sharalar iske asyrylýda. Qazaly aýdanyndaǵy «Syr Marjany» JShS-nyń 500 basqa arnalyp salynǵan iri qarany bordaqylaý alańynda jyl basynan beri 200-den astam sıyr bordaqylanyp, onyń 100-i soıylyp, satyldy. Búgingi kúni alańnyń qýattylyǵyn 3 000 basqa ulǵaıtý boıynsha jumys júrgizilip jatyr. Sonymen qatar alań janynan et konservileý zaýytyn ashý josparlanyp, et klasterin jasaý úshin daıyndyq jumystary bastaldy. RF Astrahan qalasynyń ákimshiligimen 20 tonna et ónimin eksportqa shyǵarý jóninde memorandým jasaý boıynsha kelissózder júrgizilýde. Mal sharýashylyǵynyń damýyna dem bergen «Sybaǵa» baǵdarlamasy aıasynda osy jyly 262 bas analyq sıyr men 9 bas asyl tuqymdy buqa satyp alý josparlanǵan.
Eske sala keteıik, «Qazaqstan Respýblıkasynda ІQM etin eksporttyq áleýetin damytý jobasyn» «QazAgro» UBH» AQ jáne «QazAgroÓnim» AQ Elbasynyń AÓK eksporttyq áleýetin ulǵaıtý qajettigi týraly tapsyrmasyn oryndaý úshin ázirlegen.
