Qazaly aýdany kásipkerleriniń 43,6 paıyzyn áıelder quraıdy - Qyzylorda oblysy
QYZYLORDA. QazAqparat - Qazaly aýdanynyń ekonomıkasyn ilgeriletýge úles qosyp otyrǵan tabysty jandar isker áıelder forýmynda bas qosty,-dep habarlady QazAqparat HAA tilshisi aýdandyq ákimdikke silteme jasap.
Basty maqsat - áıelder múmkindikterin keńeıtý, áıel kásipkerligin dáripteý, bıznesti qoldaý memlekettik baǵdarlamalaryna áıelderdiń qatysýyn jandandyrý.
Aýdan ákiminiń orynbasary S.Babanaev: «aýdanda shaǵyn jáne orta kásipkerlikti damytýshylar sany 4173 birlikti qurasa, onyń 1819-y áıel kásipkerler. ıAǵnı, aýdanda kásipkerlikpen aınalysýshylardyń 43,6 paıyzyn áıel azamatshalar quraıdy» - dedi.
Іsker áıelder forýmynda názik jandylar ózara tájirıbe almasyp, jumystaryn qorytyndylady. Alda turǵan ortaq mindetter týraly oı bólisti.
Qatysýshylar «bul forým bizge bilimimizdi arttyryp, bir-birimizden kóp nárse úırenýge múmkindik beredi. Ózgelerdiń jetistikterine jańasha kózqaraspen qarap, qoldaý jasaýǵa umtylamyz» - deıdi.
Forým qorytyndysymen bir top áıel kásipkerler marapattaldy.
Sondaı-aq qonaqtar nazaryna aýdannyń áıel kásipkerleri uıymdastyrǵan taýarlar kórmesi kórsetildi.
Aıta keteıik, Qazaly aýdanynda ótken isker áıelder forýmy barysynda «Aınur» saýda ortalyǵy ashylyp, halyq ıgiligine paıdalanýǵa berildi.
