Qazalyǵa Janqoja batyrdyń Kenesary han syılaǵan qylyshy ákelindi
QYZYLORDA. KAZINFORM – Qyzylorda oblysynyń Qazaly aýdanyna HH ǵasyrdaǵy ult-azattyq qozǵalysy jetekshileriniń biri, dańqty batyr Janqoja Nurmuhamedulynyń qylyshy ákelindi.
Aýdandyq tarıhı-ólketaný mýzeıiniń málimetinshe, qundy jádiger Ulttyq mýzeı qorynda saqtaýly. Qylysh aldymen ýkraınalyq izdeýshi mamandardyń qolyna túsken. Keıin Reseıde arnaıy saraptamadan ótkizilip, ony Qazaqstan azamattary satyp alyp, Ulttyq mýzeıge tapsyrǵan.
— Qylyshty Janqoja Nurmuhamedulyna Kenesary han syıǵa tartqan delinedi. Batyr ony jaýǵa qarsy shaıqasta ózi qoldanǵan. Jádigerdiń eki jaǵynda arabsha jazý bar. Birinde «Janqoja Nurmuhameduly bahadúrge saýrat (syılyq)», ekinshisinde «Sozaq, 1845 jyl» dep jazylǵan, — dedi mýzeıdiń ǵylymı qyzmetkeri Janat Tileýqabyl.
Batyr murasy aýdandaǵy jańadan ashylǵan Rýhanııat ortalyǵynda 20 mamyrǵa deıin kelýshiler nazaryna usynylady.
Jaqynda biz Qyzylorda qalasyndaǵy qutqarýshy Hrıstos shirkeýi týraly jazǵanbyz. Shirkeý memleket qorǵaýyna alynǵan, respýblıkalyq mańyzy bar tarıhı-mádenı eskertkishter qatarynda.