Qazaqtyń úsh bıine taǵy bir eskertkish qoıyldy
ASTANA. QazAqparat - Aqtóbe oblysy Muǵaljar aýdandyq sotynyń aldynda ornalasqan ortalyq saıabaqta qazaqtyń ataqty úsh bıi - Tóle, Qazybek pen Áıteke bılerge arnalǵan eskertkish ornatyldy, dep xabarlaıdy QazAqparat tilshisi Aqtóbe oblystyq sotyna silteme jasap.
Eskertkishti Muǵaljar aýdandyq soty tóraǵasynyń mindetin atqarýshy J.M.Seıtjaparov pen «Ardagerler uıymy» qoǵamdyq birlestiginiń ókilderi saltanatty túrde ashty.
"Shara barysynda Muǵaljar aýdandyq sot tóraǵasynyń mindetin atqarýshy J.M. Seıtjaparov jıynǵa qatysýshylardy «Úsh bı» eskertkishiniń ashylý saltanatymen quttyqtap, XVII ǵasyrdyń ekinshi jartysy men XVIII ǵasyrdyń birinshi jartysynda Uly dala medıatory atanyp, ańyzǵa aınalǵan ataqty úsh bı - Tóle, Qazybek, Áıteke bıler týraly sóz qozǵady", - delingen resmı xabarlamada.
