Qazaqtyń uly aqyny Maǵjan Jumabaev týraly spektakl Koreıada qoıylady
ASTANA. QazAqparat - Qazaqtyń ataqty aqyny Maǵjan Jumabaev pen onyń áıeli Zlıha týraly spektakl Koreıa Respýblıkasynda ótetin halyqaralyq festıvalda kórsetiledi. Ol «Áıel mahabbaty» dep atalady. Bul týraly «Habar» agenttigi habarlady.
Pesany óz sahnasynda Qazaqstandaǵy memlekettik koreı teatry qoıdy. Maǵjan men onyń áıeliniń arasyndaǵy súıispenshilik jappaı qýǵyn-súrgin kezinde aqynǵa kúsh-qýat bergeni týraly baıandaıtyn hıkaıa shetel kórermenderiniń kóńilinen shyǵary sózsiz.
Qazaq ádebıetiniń klassıgi, qazaq jańa ádebıetiniń negizin qalaýshy, aqyn, pedagog, aýdarmashy Maǵjan Jumabaev qýǵyn-súrgin jyldary Karelııaǵa jer aýdarylyp, 1936 jyly M.Gorkııdiń aralasýymen bostandyqqa shyqqanmen, saıası sebeptermen 1938 jyly qaıtadan ustalyp, atylǵan. Aqyn esimi 1989 jyly ǵana halqymyzǵa qaıta oralyp, shyǵarmalary jarııalana bastady, onyń eńbekterin zertteý jóninde aýqymdy jumystar bastaldy. Aqyn esimimen týǵan jeri Soltústik Qazaqstan oblysynda aýdan, respýblıkamyzda mektepter. kósheler atalyp, eskertkishi ornatyldy.
