Qazaqtyń tuńǵysh kınooperatorynyń 100 jyldyǵyna arnalǵan poshta markasy shyǵaryldy
Y. Jeltoqsannyń 9-y. QazAqparat /Erbol Azanbek/ - Belgili kınooperator, halyq ártisi, kınematografıster odaǵynyń múshesi Eskendir Tynyshbaevtyń 100 jyldyǵyna arnalǵan poshtalyq markasy shyǵaryldy. Búgin QR Ulttyq kitaphanasynda osy markanyń tanystyrylymy ótti,
dep habarlaıdy QazAqparat.
Eskendir Tynyshbaev qazaqtan shyqqan tuńǵysh kásibı kınooperator. Máskeý kınematografııa ınstıtýtynyń operatorlyq fakýltetiniń alǵashqy túlekteriniń biri. «Halyq jaýy» atanyp Stalındik repressııanyń qurbany bolǵan qazaqtyń birtýar uly, alǵashqy qazaq ınjeneri Muhametjan Tynyshbaevtyń uly. Artyna ıÝ.Lıtvıakov, V.Belıalov, B.Núsipbekov, A.Shorabaev syndy otandyq kıno men televıdenıedegi tanymal kınooperatorlar tárbıelep qaldyrǵan ustaz. Onyń operatorlyǵymen «Dala qyzy», «Onyń zamany keledi», «Bizdi tany», «Biz Jetisýdanbyz» syndy ondaǵan kórkem, júzdegen derekti, ǵylymı-tanymdyq fılmder túsirilip, Qazaqstan kınosynyń «altyn qoryna» engizilgen.
Poshta markasynda E.Tynyshbaevtyń kınokameramen túsken sýreti beınelengen. Sýretshisi - Danııar Muhamedjanov.
Poshta markasynyń tanystyrylymynda Qazposhta, QR Ulttyq kitaphanasy qyzmetkerleri, Tynyshbaevtar otbasynyń músheleri boldy. Tynyshbaevtar áýleti shara barysynda otbasy muraǵatynda saqtalǵan qujattardy, baspasózge jarııalanǵan maqalalardy, fotokınomaterıaldardy Ulttyq kitaphanaǵa syıǵa tartty. Sondaı-aq kitap kórmesi uıymdastyryldy.
