Qazaqtyń toıy týraly ázilge toly beınebaıan shyqty
ALMATY. QazAqparat - QR Tuńǵysh Prezıdenti Elbasy qory qazaqtyń toıynda túsirilgen beınerolıkti jarııa etti, dep habarlaıdy «QazAqparat» tilshisi.
Rolık avtorlary qazaqtyń toıy týraly ázil klıp túsirgen. Rolıkte jas jubaılar tek jaqyndaryn ǵana toıǵa shaqyrýdy ótinse, ata-anasy elimizdiń túkpir-túkpirinen aǵaıyndaryn shaqyryp jatqany sáti berilgen. Beınebaıanǵa elimizge tanymal adamdar túsken. Olar: saıasatker Ǵanı Qasymov, ánshi Qaırat Nurtas, Ninety One toby men ázil-syqaq akterleri qatysqan.
Beınerolıkte shynaıy ómirdegi oqıǵalardy qaljyńǵa súıeı otyryp kórsetken. Mysaly, toıǵa shaqyrylǵan ýaqytynda barǵan shet eldikter meıramhanaǵa áli eshkim kelmegenin kóredi.
Rolık sońynda toıdyń bas keıipkeri jıi bas qosyp turý kerek degen oı túıinin jetkizedi.
«Biz ejelden toıqumar elmiz, osynshama ulan-asyr toı jasaýdyń nege qajet bolǵanyn endi túsindim. Bizge el bolyp, áýlet bolyp jıi bas qosyp turý qajet eken. Iá, biz osyndaımyz, bul ǵajap qoı. Qysqasyn aıtqanda, munyń bári maǵan unaıdy. Baqytty bol, Qazaq Eli», - deıdi sózdi túıindegen kúıeý bala.
