Qazaqtyń tól tarıhy men tulǵalary týraly jańa baǵdarlama jaryqqa shyqty
ASTANA. QazAqparat - Elbasy maqalasynda aıtylǵan rýhanı jańǵyrý aıasynda QR Din isteri jáne azamattyq qoǵam mınıstrligi "Qazaqstan" ulttyq arnasymen birlesip, qazaqtyń birtýar tulǵalaryn, kıeli jerlerin, rýhanı qundylyqtaryn dáripteıtin «Uly dala» baǵdarlamasyn jaryqqa shyǵardy, dep habarlaıdy QazAqparat.
Joba tól tarıhymyz ben nar tulǵalarymyzdyń taǵylymdy ómiri týraly jastardy keńirek habardar etý maqsatynda jasalǵan. Onda «Tanym», «Uranym-Alash!» «Tulǵa», «Tanym», «El men jer», «Iman» syndy taqyryptary boıynsha Alash qaıratkerleri, qazaqtyń uly ǵalymy Shoqan Ýálıhanov, qýǵyn-súrgin jyldary jazyqsyz atylyp ketken Shahzoda Shonanova, qazaqtyń talaı qaıratkerine járdem bergen Alash metsenaty Qarajan Úkibaev, aýyz ádebıeti úlgilerin jınaýshy, shejireshi, aqyn jáne fılosof Máshhúr-Júsip Kópeev, Joshy han kesenesi, qazaqtyń ejelgi qalalary Saraıshyq, Taraz týraly qysqasha derekter qamtylǵan.
