Qazaqtyń toǵyzqumalaq oıyny týraly Mılanda aǵylshyn jáne ıtalıan tilinde kitap shyqty
ASTANA. QazAqparat - Qazaqtyń ulttyq oıyny - toǵyzqumalaq týraly Mılanda aǵylshyn jáne ıtalıan tilinde jańa kitap jaryq kórdi. Bul týraly Dúnıejúzilik toǵyzqumalaq qaýymdastyǵy habarlady.
«Togyzkumalak's composition» kitaby ıtalıan tilinde «IL Togyzkumalak» degen atpen Mılan qalasynda jaryq kórgen kitaptyń avtory Dúnıejúzilik toǵyzqumalaq qaýymdastyǵynyń bas hatshysy, Toǵyzqumalaqtan QR Eńbek sińirgen jattyqtyrýshysy Maqsat Shotaev.
150 betten turatyn bul kitaptyń basty ereksheligi baǵzy zamannan kele jatqan tól oıynymyz toǵyzqumalaqtyń esepteri men etıýdteri tolyǵymen jınaqtalyp berilgen. Bul kitap atalǵan elde jergilikti turǵyndardyń qazaqtyń toǵyzqumalaq oıynyna degen qyzyǵýshylyǵyn arttyrýǵa taptyrmas qural ekeni anyq. 
