Qazaqtyń tanymal ǵalymy, qoǵam qaıratkeri Syrym Bókeıhanov ómirden ozdy
ASTANA. 30 qarasha. QazAqparat - Keshe, 29 qarashada tanymal ǵalym, jazýshy, ustaz, «Alashorda» kóshbasshysy - Álıhan Bókeıhanovtyń nemere inisi Syrym Bókeıhanov kóz jumdy. Bul týraly «QazAqparat» tilshisine onyń týysy Qyrym Altynbekov habarlady.
Ǵalym aýyr dertten qaıtys boldy. Onyń jerleý rásimi 2 jeltoqsanda Almaty qalasynda ótpek.
Syrym Bókeıhanov 1938 jyly 1 maýsymda Almaty qalasynda týǵan. Lenıngrad qurylys-ınjenerlik ınstıtýtynyń túlegi. 1970 jyly Máskeý ınjenerlik ınstıtýtynda kandıdattyq dıssertatsııa qorǵaǵan. KSRO Ǵylym akademııasynyń lazerlik júıeler mehanıkasy laboratorııasynyń jetekshisi, keıin Almaty lazerlik tehnologııalar jónindegi ınjenerlik ortalyq jetekshisi qyzmetin atqardy. Almaty jáne Máskeý qalalarynyń ǵylymı mekemelerinde, joǵary oqý oryndarynda qyzmet atqarǵan. Syrym Bókeıhanov Alash qaıratkeri Á.Bókeıhanovtyń nemere inisi ǵana emes, ol naǵyz qazaq zııalysy, tanymal ǵalym, qoǵam qaıratkeri, aqyn. Ol qoldanbaly mehanıka salasyndaǵy ǵylymı maqalalardyń, «Mejdý proshlym ı býdýşım», «Admıralteıstva vıden shpıl», «Ýlıtsy nashego detstva», «Nelzıa o proshlym zabyvat», «Oglıadyvaıas na Fýdzı», «Izbrannye stıhı ı rısýnkı», «Ótken kúnde belgi bar», «Labırınty dýshı», «Lılovyı kvadrat», «Moı gorod drýgım ne zamenıt», «Opýs o lıýbvı ılı razmyshlenııa dıletanta», «Gorod moı Almaty», «Imena nashıh ýlıts ot A do ıA», «Alıhan», «Shákárim», «Dorogıe moı almatıntsy» jáne t.b. kitaptardyń avtory.
