Qazaqtyń tańǵy asy brendke aınalady
TÚRKІSTAN. QazAqparat - Qazaqstanda alǵash ret qazaq ulttyq taǵamdarynyń brendi engiziledi. Bul týraly Túrkistan qalasynda Qazaq taǵamtaný akademııasynyń astanalyq sarapshylary jáne oblystyń meıramhanashylary men otelerleri bas qosqan jıynda aıtyldy, dep habarlaıdy QazAqparat tilshisi.
Túrkistan oblysynyń týrızm jáne syrtqy baılanystar basqarmasy uıymdastyrǵan kezdesýde sarapshylar bolashaq aspazdyq hıtin engizip, as daıarlaý baǵdarlamasynyń erekshelikterimen tanysty. Olardyń aıtýynsha, endi elimizge kelgen qonaqtar ekologııalyq taza ónimderden daıyndalǵan «Qazaq tańǵy asynan» dám tatatyn bolady.
Bul taǵam meımandardyń óz densaýlyǵyna kóńil bólip, erekshe nazar aýdaratyn óte paıdaly as bolmaq. Al, as tiziminde mynandaı taǵamdar bar: tarydan jasalatyn toıymdy taǵamnyń biri - maısók, súzbe, aıran, qymyz, qurt, jent. Tańǵy as 3 toptan turady: sút ónimderi, kókónister men keptirilgen jemister jáne pisirilgen taǵamdar. Qazaq taǵamtaný akademııasy dıssertatsııalyq keńesiniń múshesi ıÝrıı Sınıavskııdiń sózinshe, ońtústikten bastaý alǵan naǵyz qazaqtyń ulttyq taǵamdary Qazaqstannyń basqa da aımaqtaryna taralady.
Sondaı-aq, qazaqtyń jan dúnıesin túsiný úshin «qazaq tańǵy asynyń» dámin tatý kerek. Óıtkeni, onyń quramy ǵasyrlar boıy ózgerissiz qalýda. Osynyń arqasynda óńirdiń gastronomııalyq erekshelikterin ǵana emes, sonymen qatar, halyqtyń salt-dástúri men mentalıtetimen de tanysýǵa bolady. Máselen, qonaqjaılylyq - qazaq halqynyń erteden kele jatqan qasıetteriniń biri. Qonaqty jaqsy kóńilmen qarsy alyp, tórge otyrǵyzý men dastarqan ázirlep kútip alý da qazaqqa tán. Ideıa avtorlary josparlaǵandaı, «Qazaq tańǵy asy» qonaqúılerde, meıramhanalarda jáne Túrkistannyń basqa da qoǵamdyq tamaqtandyrý mekemelerinde beriledi.
Sarapshylardyń pikirinshe, qazaq tańǵy asy brendiniń engizilýi shetelden kelgen týrısterdiń sanyn arttyrady jáne qazaqstandyqtardy Túrkistan oblysyna saıahattaýǵa qosymsha yntalandyrady.
