Qazaqtyń shahmatshy qyzdary álem chempıonatynyń shırek fınalyna shyqty

ASTANA. QazAqparat - Shahmattan Qazaqstan áıelder quramasy komandalyq álem chempıonatynyń shırek fınalyna shyqty, dep habarlaıdy QazAqparat tilshisi.

Dúbirli doda Polshanyń Bydgoş qalasynda bıyl toǵyzynshy márte jalaýyn kóterdi.

Halyqaralyq shahmat federatsııasy uıymdastyrǵan jarys barysynda qazaqstandyq sportshylar jyldam shahmattan A tobynda synǵa túsip jatyr.

Qazir el quramasy qorjynynda 4 jeńisten keıin 8 upaı bar. Qazirge deıin olar Frantsııa, Ýkraına, Egıpet, Úndistan quramalarynan basym tústi.

Endi qazaqstandyq shahmatshylar toptyq kezeńdegi sheshýshi oıynda Grýzııamen sheberlik baıqasady.

Al A tobynda 7 upaımen AQSh birinshi orynda kele jatyr.

Sheshýshi týrda Qazaqstan Grýzııamen synǵa túsedi. Al V tobynda 7 upaımen AQSh 1-orynda kele jatyr.

Eki jyl buryn áıelder arasynda Ispanııada ótken álem chempıonatynda Reseı quramasy top jaryp, Úndistan quramasy kúmis medal alǵan.

Qazirge deıin komandalyq álem chempıonatynda Qytaı tórt márte top jaryp, bul jóninen kósh bastap tur.