Qazaqtyń salt-dástúrin boıyna tereń sińirgen bala basqa aǵymnyń jetegine ilesip ketpeıdi - Bas múftı

Búgin Astanadaǵy Áziret Sultan meshitinde «Bas redaktorlar klýby» múshelerimen kezdesý barysynda Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly osylaı málim etti.

«Qazaqtyń salt-dástúri ıslam dinimen bite qaınasyp tur. Jalpy alǵanda, qazaq salt-dástúriniń ózi dinnen alynǵan. Ata-babamyzdy dinsiz dep te eshkim aıta almaıdy. Tipti keıde bul týraly keleńsizdikke de baryp jatqandar da bar. Ótkende bir depýtat aǵamyz «qazaq dalasynda sharıǵat degen bolmaǵan» deıdi. Qalaı bolmaǵan? Bizdiń salt-dástúrimizdiń barlyǵy hadıs pen Qurandaǵy aıattardan alynǵan. Sondyqtan da, bizdiń jastarymyzǵa jaqsy ıdeologııa kerek. Qandaı da bir jat aǵymnyń jeteginde ketip qalmaýy úshin jetkinshek nemen qarýlanýy kerek? Eń birinshi ol qazaqı bolyp jetilýi, tula boıynda qazaqtyq bolýy kerek. Qazaqtyń salt-dástúrin boıyna tereń sińirgen bala basqa aǵymdardyń jetegine ilesip ketpeıdi», - dep atap ótti Erjan qajy Malǵajaruly.

Osy rette bas múftı «Din men dástúr» atty birinshi kitap jaryq kógenin aıtyp, osy kitaptyń aldaǵy ýaqytta ekinshi-úshinshi bólimderimen jalǵasatynyn jetkizdi. Onda balanyń dúnıege kelgeninen bastap, er jetkenine deıingi qazaqtyń salt-dástúrleri tutas qamtylyp, bul dástúrler ıslamnyń qaınarymen ushtastyrylady. «Bul bizdiń mindetimiz», - dedi Bas múftı.