Qazaqtyń «Motsarty» Reseıde kontsert qoıdy
ASTANA. QazAqparat - Qazaqtyń «Motsarty» atanyp ketken, kompozıtor, pıanıst Rahat-Bı Ábdisaǵın Reseıdiń Klın qalasynda kontsert berip, áıgili Petr Chaıkovskııdiń jeke roıalinde oınady, dep habarlaıdy Habar24.kz.
«Ol - mundaı qurmetke ıe bolǵan tuńǵysh qazaqstandyq mýzykant. Álemdik klassıkanyń jaýharlaryn joǵary deńgeıde oryndaǵan daryn ıesiniń talanty kópshilikti tánti etti. Klın qalasyna arnaıy shaqyrtýmen kelgen Rahat-Bı Ábdisaǵındy Chaıkovskıı murajaıynyń basshylyǵy qushaq jaıa qarsy aldy. Jerlesimiz aldymen áıgili kompozıtordyń eskertkishine gúl qoıyp, taǵzym etti. Sodan soń, ózi jazǵan birqatar sımfonııalyq portetýrasyn murajaıǵa tapsyrdy. Al Reseı tarapy jerlesimizge dısklavır aspabyn syıǵa tartty»,-dep jazady portal.
Portaldyń jazýynsha, «Jas mýzykanttar - álemniń elshileri degen úlken halyqaralyq baǵdarlama. Rahat-Bı Ábdisaǵın - osy jobanyń aıasynda alǵashqy bolyp kontsert berý múmkindigine ıe bolǵan mýzykant.
«Rahat-Bı - qazir úlken jetistikke jetken tulǵa. Ol - kompozıtor retinde, pıanıst retinde jáne ónerdi zertteýshi ǵalym retinde de eńbektenip júrgen segiz qyrly, bir syrly jan. Sondyqtan bul jobaǵa qazaq mýzykantyn shaqyrtýymyz tegin emes. Osy arqyly biz tutas qazaq ónerine óz iltıpatymyzdy kórsetip otyrmyz. Qazaq mýzykanty óz kontsertin qazaq mýzykasynan bastady. Sodan soń Ferents Lıst, Shopen, Chaıkovskıı syndy álemge tanymal kompozıtorlardyń klassıkalyq týyndylaryn oınady», - P.I.Chaıkovskıı atyndaǵy jastar baıqaýynyń bas dırıjeri ıÝrıı Tkachenko.
«Men óte qýanyshtymyn. Bul men úshin sózben aıtyp jetkize almaıtyn baqytty sát. Chaıkovsııdiń roıalinde oınaý - áıgili mýzykanttyń ózimen sóıleskenmen birdeı dúnıe. Bul aspapta Chaıkovskııdiń rýhy, onyń jan-dúnıesi bar. Barsha adamzattyń zor qundylyǵy sanalatyn zatty ustap kórý degenimiz óte keremet. Bul aspaptyń ózindik ereksheligi bar. ıAǵnı roıalde neǵurlym názigirek oınasańyz, soǵurlym áserli shyǵady»,-deıdi kompozıtor, pıanıst Rahat-Bı Ábdisaǵın.
19 jasar daryn ıesi - 100-den asa mýzykalyq shyǵarmanyń avtory. 13 jasynda stýdent, 18 jasynda doktorant atanǵan Rahat-Bı Ábdisaǵın qazir Italııada bilimin shyńdap jatyr.
