Qazaqtyń memlekettik M. Áýezov atyndaǵy akademııalyq drama teatry bul maýsymda 7 jańa qoıylymdy sahnaǵa shyǵarady
ALMATY. Qazannyń 15-i. QazAqparat /Erlik Erjanuly/ - Keshe Almatydaǵy Qazaqtyń memlekettik Muhtar Áýezov atyndaǵy akademııalyq drama teatry 85-shi maýsymyn "Abaı" tragedııasymen ashty. Repertýarynda 42 qoıylymy bar óner ujymy jańa maýsymda olardyń qataryn jańa 7 shyǵarmamen tolyqtyrmaq.
"Olardyń alǵashqysynyń tusaýkeseri qazannyń 20, 23 kúnderi ótedi. Orys klassıgi N.Gogoldiń "Úılený" dep atalatyn muńdy komedııasyn Máskeýdegi úlken teatrdyń rejısseri Vladımır Zaharov qoıǵaly otyr. Bul teavtrdyń sońǵy ýaqyttaǵy úlken izdenisteriniń nátıjesinde shyqqan shyǵarma dep oılaımyn", - deıdi teatrdyń dırektory jáne kórkemdik jetekshi Esmuhan Obaev.
Jalpy "Úılený" komedııasy bul tetrdyń sahnasynda alǵash ret Nurmuhan Jantórınniń rejısserligimen 1961 jyly qoıylǵan bolatyn. QR Halyq artısiniń aıtýynsha, jyl sońyna deıin Erkin Jýasbektiń "Kúlemiz be, jylaımyz ba" muzykalyq komedııasy men Muhtar Áýezovtyń "Eńlik -Kebek" tragedııasynyń da premeralary bolady. Huseıin Ámir-Temirdiń rejısserligimen qaıta sahnalanyp otyrǵan M.Áýezovtyń bul týyndysy atalmysh teatr sahnasynda qoıylmaǵanyna qazir 10 jylǵa jýyqtap qalǵan bolatyn. Jańa jyldan keıin teatr sahnasynda drammatýrgter baıqaýynda bas júlde alǵan Dýlat Isabaevtyń "Balýan Sholaq" qoıylymynyń tanystyrylymy bolady. Sondaı-aq QR Eńbek sńirgen qaıratkeri, rejısser Áýbákir Rahımov 60 jasqa tolýyna arnalǵan benefısinde avtorlyq "Qanisherlikke kúálik" dramasyn sahnalaıtyn bolady.
