Qazaqtyń kúı óneri týraly fılm túsirilmek
ASTANA. QazAqparat - «Qazaqstan RTRK» AQ Basqarmasynyń tóraǵasy Erlan Qarın Feısbýktegi paraqshasynda qazaqtyń kúı óneri týraly fılm túsiriletinin jazdy, dep habarlaıdy «QazAqparat» HAA tilshisi.
Erlan Qarın óz paraqshasynda Nurǵıssa Tilendıevtiń «Aqqý» kúıin tamsana tyńdap otyrǵan CCTV (Qytaıdyń ortalyq televıdenıesi) ókiliniń beınejazbasyn jarııalady. «Qazaqstan RTRK» AQ Basqarmasynyń tóraǵasynyń qytaılyq áriptesi «kúıdiń adamnyń janyn tebirentetinin, odan janyna lázzat alatynyn» aıtady.
«Qytaılyq áriptesim qazaqtyń dombyrasy men kúıiniń fanaty. Jolda kele jatyp Nurǵıssa Tilendıevtiń «Aqqý» kúıin tyńdatqyzyp edim, tipti tebirenip kettim. Alla qalasa, kelesi jyly CCTV-men birge qazaqtyń kúı óneri týraly fılm túsiremiz», - dep jazdy Erlan Qarın.
