Qazaqtyń kishkentaı «Konor Makgregory» jurtty kúlkige qarq qyldy

ASTANA. QazAqparat - Jelide jeńisten keıin ózin aralas jekpe-jektiń juldyzy Konor Makgregor sezingen balanyń qyzyqty vıdeosy paıda boldy, dep habarlaıdy «QazAqparat» Sports.kz-ke silteme jasap.

Grek-rım kúresinen respýblıkalyq jarystaǵy jeńisinen keıin kishkentaı «Makgregor» óz kýmıriniń júrisin salyp, kúres alańyn bir aınalyp ótti.

Konor Makgregordyń ózine keletin bolsaq, ırlandııalyq sportshy sońǵy jekpe-jeginde jeńilip qalǵan - 6 qazan kúni Las-Vegastaǵy T-Mobile Arena-da ótken jekpe-jektiń tórtinshi raýndynda ony reseılik Habıb Nýrmagomedov «tunshyqtyryp jiberdi». Osylaısha, Nurmagomedov UFC-diń jeńil salmaqtaǵy chempıony bolyp qaldy, al Makgregor revansh ótkizýdi talap etken.

UFC prezıdenti Deına Ýaıt bolsa, oǵan asyǵyp turǵan joq - áýeli Nevada shtatynyń Sport komıssııasynyń bul jekpe-jekten keıingi tártipsizdik boıynsha shyǵarǵan sheshimin kútý kerek.