Qazaqtyń qazy-qartasy olımpıadalyq «joldamadan» qaǵyldy

 Osylaısha qazy-qartamyz da olımpıadalyq as máziri retinde joldamadan qaǵylatyn túri bar, dep jazady «Aıqyn» basylymy.

Dúnıejúzine aty málim aqparat agenttiginiń taratqan deregi týraly sport komıtetiniń tóraǵasy jýr­na­lıstermen kezdesýde «Qazir bul má­­seleni talqylap jatyrmyz. Olım­­pıada kezinde Londonǵa qazy-qarta alyp kirý qıyndyq týǵyzbaýy tıis» dep jaýap berdi.
Akademık Tóregeldi Sharmanov­tyń paıymdaýynsha, qazy-qartany tek boksshylarmyz ben palýandar úshin dep bóle-jara qaraý qate. Sińimdiligi jáne aǵzaǵa paıdalylyǵy jaǵynan qazaqtyń qazysymen ıyq tirese alatyn taǵam túri áli joq. Ulttyq bitim-bolmysymyzdy saqtap qalý úshin biz ulttyq taǵamtaný saıasatyn qalyptastyrýymyz shart. Bul - kezek kúttirmeıtin másele. Eger biz muny
EO nemese DSU sheń­berinde memleket­tik deńgeıde sheshe alsaq, ulttyq ta­ǵamǵa qatysty biraz jaıttardyń túıini tarqatylar edi.
- Álemniń tańdaıy qazaqtyń qazy-qartasynyń dámin endi sezdi. Keıbir elder ony sporttyq as mázirine qosyp úlgirdi degendi estip jatamyz. Biz ony olımpıadalyq as mázirine qosyp, álemdik deńgeıde tarata alsaq, qazaqtyń úshten bir bóligin qazy-qarta, jal-jaıa ǵana asyraı alady, - deıdi akademık.
- Birinshiden, memleket tarapynan «Qazaqtyń ulttyq taǵamdary» dep atalatyn arnaıy baǵdarlama qolǵa alynýy kerek. Ekinshiden, qazaqtyń ulttyq taǵam akademııasy kerek. Máselen, men Koreıada Koroldik ulttyq taǵam akademııasynda bol­dym. Sonda barlyq shetelden zert­teýshilerdi arnaıy shaqyryp, birneshe kún boıy tek tamaqtandyryp qana qoımaı, tamaqtaný mádenıetine, máselen, qarapaıym ǵana otyryp-turýdan bastap, qos taıaq arqyly tamaq jeýge úıretti. Alǵashynda jatsyndym, qos taıaqtan qolym aýyryp, biraq aqyry 23 kún degende úırendim ǵoı. Sóıtip, bizdi bylaısha aıtqanda, «syndyrdy». Aşy tamaq zııan deýshi edim, paıdaly eken. Mine, basqa elder qalaı kóndiredi? Mundaı ınstıtýttar Malaızııa, Japonııada da bar. Olar kádimgideı memleket­ten qarjylandyrylady. Óz ǵımarat­tary bar. Bizge de ulttyq taǵamǵa qarjy bólý kerek, bul - bir. Sonan soń qaıratkerlerimiz tek qazaqsha sóılep qana qoımaı, mindetti túrde jylqy etin, qymyzyn, sol sııaqty qazaqtyń tól taǵamdaryn júrgen jerinde na­sıhattaýy kerek. Sportshylarymyz ben jýrnalısterimiz nasıhattasyn. Tek memleket qana emes, ne bolsa sonymen aınalysyp júrgen úkimettik emes uıymdar da osyǵan jumyl­syn. Qazaq aspazdyǵyn dáýirletý kerek. Biz osy jolmen ǵana ulttyq taǵamdardy álem aldynda tanyta alamyz, - deıdi Ázimbaı Ǵalı.