Qazaqtyń «Qarajorǵa» bıin Astananyń ortalyq alańynda 3000 adam oryndaıdy
ASTANA. Qyrkúıektiń 20-sy. QazAqparat /Gúlnár Jandaǵulova/ - Qazaqstan astanasynda 3000 adam qazaqtyń «Qarajorǵa» ulttyq bıin oryndaıdy.
Atalmysh fakti Qazaqstannyń Gınnestiń rekordtar kitabyna «Halyqtyń jappaı ulttyq bıdi oryndaýy» atalymy boıynsha engizilmek.
«Seısenbi, qyrkúıektiń 21-i kúni saǵat 12.00-de Qazaq gýmanıtarlyq zań ýnıversıtetiniń Femıda alańynda tuńǵysh ret ulttyq patrıottyq «Qarajorǵany birge bıleıik!» aktsııasy ótkiziledi», - delingen «Báıterek» medıa-ortalyǵy taratqan aqparatta.
