Qazaqtyń Ǵ. Músirepov atyndaǵy memlekettik balalar men jasóspirimder teatry 64-shi maýsymyn japty
ALMATY. Maýsymnyń 3-i. QazAqparat /Erlik Erjanuly/ - Keshe Almatydaǵy Qazaqtyń Ǵabıt Músirepov atyndaǵy memlekettik balalar men jasóspirimder teatry óziniń 64 teatr maýsymyn "Bulbuldar túni" qoıylymymen japty,
dep habarlaıdy QazAqparat.
Bul maýsymda óner ujymy qarashanyń 17-27 kúnderi Seýlde ótken "Uly Jibek joly" teatr festıvaline qatysty. Sáýirdiń 22-24 kúnderi Máskeýge gastroldik saparmen baryp qaıtty. Repertýaryn "Sý patshasy","Ajdahanyń álegi", "Qyzyl oramaldy shynarym", "Balkon", "Adasqan juldyz" qoıylymdarymen tolyqtyrdy. Teatr ártisteri Ásel Mámbetova "Qazaqstannyń eńbek sińirgen qaıratkeri" ataǵyna, Jibek Bektemir "Qurmet" ordenine ıe boldy. Al Aıda Jantileýova Ortalyq Azııa elderiniń ІІІ Halyqaralyq teatrlar festıvalinde "Eń úzdik áıel beınesi úshin" atalymy boıynsha laýreat atandy. Onda Aıda "Qyzyl oramaldy shynarym" qoıylymynda basty keıipker Ásel rólin somdaǵan bolatyn.
