Qazaqtyń eń áıgili fılminiń elimizdegi prokaty bastaldy
ALMATY. 5 jeltoqsan. QazAqparat - Búginnen bastap Qazaqstan kınoteatrlarynda halyqaralyq kınofestıvalderden 1 jylda 30-ǵa jýyq júlde alǵan jáne qazaq kınosynda tuńǵysh ret eń joǵarǵy "A" synyptaǵy Berlın kınofestıvaliniń baıqaý baǵdarlamasyna qatysyp qana qoımaı, odan "Kúmis aıý" júldesin oljalaǵan Emır Baıǵazınniń «Aslannyń sabaqtary» kórermen nazaryna usynylady.
Keshe Almatydaǵy«Arman» kınoteatryndatýyndysynyń tusaýkeserin ótkizgen ol bul óziniń alǵashqy tolyq metrajdy fılmi ekenin aıtyp, bolashaqta melodrama janrynda da jumys isteýge yntaly ekenin jetkizdi. Qazirgi tańda ol "Jaraly perishte" dep atalatyn jańa kartınamen jumys jasap jatqan kórinedi.
Sháken Aımanov atyndaǵy «Qazaqfılm» AQ-nyń prezıdenti Ermek Amanshaevtyń aıtýynsha, ár kartınanyń óz taǵdyry bolady. Máselen 2012 jyly jaryq kórgen "Aslannyń sabaqtary" qysqa ýaqyttyń ishinde segiz halyqaralyq festıvalde Bas júlde alyp úlgerdi. Aldaǵy ýaqytta taǵy 7-8 bedeldi óner dodalarynda óz baǵyn synap kórmek. Sondaı-aq kelesi jyly ony Avstrııa, Japonııa, Frantsııa, Portýgalııa jurtshylyǵy tamashalaýǵa múmkindik almaq.
Fılmniń resmı treılerin tómennen kóre alasyzdar.
