Qazaqtyń eki boksshysy jeńisterin Táýelsizdik toıyna arnady
ASTANA. QazAqparat - Qazaqstandyq kásipqoı boksshylar Batyr Júkembaev (7-0, 6KO) pen Abylaıxan Qusaıynov (4-0, 3ko) el Táýelsizdiginiń 25 jyldyǵyna arnap ótkizgen jekpe-jekterinde kezekti jeńisterine qol jetkizdi, dep habarlaıdy QazAqparat tilshisi.
Boks keshi (Astana ýaqyty boıynsha 17 jeltoqsan) kúni Kanadanyń Kvebek qalasynda ótti.
Júkembaev óziniń jetinshi kezdesýinde meksıkalyq boksshy - Manýel Marezge qarsy ótkizip, upaı sanymen jeńiske jetse, Qusaıynov óziniń tórtinshi kezdesýin meksıkalyq Hesýs Pereske qarsy ótkizip, tóreshilerdiń sheshimi boıynsha qarsylasynan basym tústi.
Eki boksshy da osyǵan deıin sońǵy jekpe-jegin 23 qazan kúni Leme-Rıos shoýynda ótkizip, qarsylastaryn texnıkalyq nokaýtpen utqan edi. Onda Júkembaev meksıkalyq Ivan Pereırany 5 raýndta, Qusaıynov qarsylasyn 2 raýndta texnıkalyq nokaýtqa túsirgen bolatyn.
