Qazaqtyń dinı mádenıetin qalyptastyrý kerek - Erjan qajy Malǵajyuly
ASTANA. QazAqparat - Bıylǵy Qurban aıt meıramy qazaqı is-sharalarmen ótiziledi. Bul týraly búgin QMDB tóraǵasy, bas múftı Erjan Qajy Malǵajyuly aıtty.
«Qurban aıt merekesi Qazaqstandaǵy barlyq meshitterde atap ótiletin bolady. Ereksheligi - qazaqı túrde ótedi. ıAǵnı, meshitterdiń aýlasyna qazaq úıler tigilip, ulttyq oıyndar uıymdastyrylatyn bolady jáne sol qazaq úılerden jetim balalar, qarttar úılerinen aqsaqaldar kelip, dastarhannan dám tatady»,- dedi Erjan Malǵajyuly.
Bas múftıdiń sózine qaraǵanda, Orazadaǵy aýyzasharda bolsyn, Quban aıt meıramynda bolsyn qazaqtyń dinı mádenıetin qalyptastyrý kerek. Bul dinı mádenıet áli kúnge deıin qalyptaspaǵan.
«Máselen, aýyzasharda bizde dinı óleńder, termeler aıtylyp júr. Munyń barlyǵy - ózimizdiń qazaqı mádenıetimiz. Eger osyndaı qazaqı mádenıetimiz qalyptasqan bolsa, dinge bet burǵan halyqtyń sany kóbeıedi. Osyndaı nıetpen bıylǵy Qurban aıtty, Alla jazsa, qazaqı is-sharalarmen ótkizeıik dep jatyrmyz», - dedi ol.
