Qazaqtyń dalasyna jolbarysty qaıtarýǵa ábden bolady - vıtse-mınıstr
"Jolbarys buryn qazaq jerinde bolǵan. Ol anaý Syr men Іleniń boıyn mekendegen. Іleniń boıynda sońǵy jolbarysty soǵystyń aldynda kórgen. Árıne, bertin kele, kóptegen ózgerister boldy, jańa eldi mekender boı kóterdi. Degenmen, jolbarystyń shekteýli sanyn shaǵyn bir aımaqta ustaýǵa bolady. Ol úshin adam baspaǵan jerler bolýy kerek. Ondaı jerler joq deımiz. Degenmen, jabyq aımaqtardy jasaýǵa bolady. Ol úshin Іle-Balqash rezervatyn qurý qajet. Sosyn Іleniń boıyndaǵy toǵaıdy qalpyna keltirý kerek. Odan keıin sonyń ishindegi jan-janýardy kóbeıtken jón. Sebebi jolbarystyń azyǵy bolýy qajet. Sondyqtan baǵana baıandama jasaǵan spıker durys aıtty, bul bastamaǵa 25-30 jyl ketedi. Árıne, jolbarystar jan-jaqqa taramaıdy. Olardy bir rezervattyń aýmaǵynda ustaýǵa bolady", - dedi E.Nysanbaev QazAqparat tilshisine bergen suxbatynda.
Vıtse-mınıstrdiń sózine qaraǵanda, búginde Іle-Balqash rezervatyn qurý jumysy qarjyǵa tirelip otyr. Ǵylymı negizdeme, tipti jer de daıynd tur. "Búginde keregi tek qarajat qana. Endi, qazirgi daǵdarysqa baılanysty biz 2018 jyly rezervatty qurýǵa qajetti aqshany alamyz dep josparlap otyrmyz", - dep atap kórsetti E.Nysanbaev.
Aıta keteıik, búgin Parlament Senatynda bıoalýandylyqty saqtaý máselesine arnalǵan qoǵamdyq tyńdaýlar boldy. Sol jerde Dúnıejúzilik jabaıy tabıǵat qorynyń (WWF) Reseıdegi baǵdarlamasynyń dırektory Ekaterına Vorobeva qazaq dalasyna jolbarysty qaıtarý jobasyn qolǵa alýdy usyndy.