Qazaqtyń bylǵary qolǵap sheberi Azııanyń jyl boksshysy dep tanyldy
ASTANA. 21 qańtar. QazAqparat - Búkilálemdik boks serııasy (WSB) qazaqstandyq sportshy Samat Bashenovti Azııanyń jyl boksshysy dep atady, dep habarlaıdy Astana Arlans klýbynyń resmı saıty.
Byltyr Astana Arlandary sapynda WSB chempıony atanǵan S.Bashenov bes kezdesýde jeńimpaz dep tanylsa, bir ret ýkraınalyq Vasılıı Lomachenkoǵa jol bergen. Bıylǵy maýsymda ol Russian Boxing Team komandasynyń sportshysy, Ýnıversıada chempıony Adlan Abdýrashıdovty jeńdi. Al ekinshi matchta Baku Fires ókili Albert Selımovqa jol berdi. Aıta keteıik, bunyń aldynda taǵy bir qazaq boksshysy Rýslan Myrsataev WSB boıynsha Azııanyń úzdik boksshysy atanǵan bolatyn.
