Qazaqtyń bir top ánshileri Arysqa barady
Aqtoty Raıymqulovanyń aıtýynsha, óner qaıratkerleri evakýatsııalanǵan arystyqtarǵa qoldaý kórsetpek.
«Arys, biz birgemiz» aktsııasyn Sáken Maıǵazıev, Qydyráli Bolman, «Jigitter» toby, Ernar Aıdar, Maıra Muhamedqyzy, Nurjamal Úsenbaeva, Jeńis Seıdollauly, Móldir Áýelbekova, Búrkit, Áıgerim Qalaýbaeva, Qurmash Mahanov, Altynaı Jorabaeva, Aqbota Kerimbekova, «Zaman» toby, Janbolat pen Jazıra Baıyrbekovter, Qaırat Ádilgereı, Jubanysh Jeksenuly, Janar Doǵalova, Álisher Kárimov, Arman Dúısenov, Maıra Ilıasova, Aıgúl Qosanova, Nurlan Alban, Janar Aıjanova, Zarına Omarova, Beıbit Kúshqalıev, Amanjol Áltaev, Muhtar Nııazov, Qaırat Nurtas, Gúlnur Orazymbetova, Serik Ibragımov, sport qaıratkerleri Ermahan Ybraımov, Bahtııar Artaev, Serik Sapıev jáne basqalar qoldady», - dep jazdy mınıstr óziniń facebook paraqshasynda. 
Mınıstrdiń málimetinshe, evakýatsııalanǵan adamdar shoǵyrlanǵan jerlerde turǵyndarǵa jáne áskerılerge fılm kórsetilimderi uıymdastyrylady. 25 maýsym men 6 shilde aralyǵynda «Arystanbab», «Áziret-Sultan» kesenelerine jáne Túrkistan oblysyndaǵy basqa da tarıhı jáne mádenıet nysandaryna barlyq nıet bildirýshilerge tegin kirýge bolady.
Sondaı-aq, QR Etnosport qaýymdastyǵy Almaty oblysynda 27-30 maýsym kúnderi at sportynan jastar arasynda ótetin Chempıonatqa qatysatyn sportshylar atynan Arysta zardap shekken turǵyndarǵa aqsha aýdarýdy josparlap otyr.
28 maýsymda Nur-Sultan qalasynda MMA M1 Global Challenge boıynsha ótetin kásibı týrnırge Qazaqstan atynan qatysatyn sportshylar júldelik qarjylaryn Arys balalaryna aýdaratyn boldy.
5 shilde kúni Almatyda Qanat Islamnyń WBO Intercontinental tıtýly úshin ótetin jekpe-jekke qatysýshy Qazaqstannyń kásibı sportshylary da Arys turǵyndaryna qoldaý kórsetedi.
«QR Mádenıet jáne sport mınıstrligi jáne bizge qarasty mekemeler ujymdary, Nur Otan partııasynyń «Mádenıet» bastaýysh partııa uıymynyń músheleri shette qalmaı Arys turǵyndaryna kómek kórsetý qorynyń esebine bir kúndik jalaqylaryn aýdardy», - dedi Aqtoty Raıymqulova.
Óz kezeginde «Qazaqkontsert» memlekettik kontserttik uıymynyń dırektory Jeńis Seıdýllauly azamattyq qoǵamnyń belsendiligin kórsetken osyndaı qaıyrymy mol ıgi ister - elimizdiń birligi men yntymaǵynyń berik ekendigin taǵy bir márte ańǵartatynyn jetkizdi.
«Birlik bolmaı, tirlik bolmas degen ulaǵatty uǵym bar jerde árdaıym bereke ornap, nátıjeli ister atqarylmaq», - dep qorytyndylady Jeńis Seıdýllauly.
