Qazaqtyń «Aqqyzy» Rım men Antalııada júr
«Aqqyz» 5-13 qazan kúnderi Rım qalasynda Asiatica Film Mediale azııa kınosy festıvaliniń aıasynda ótetin Selection Shorts and Features Film halyqaralyq baıqaýyna qatysýda.
Rımdik kınofestıvaldiń arnaıy qaýymdastyǵy Italııa men Azııa arasynda erekshe baılanys kanalyn qurý úshin Asiatica ıdeıasyn ázirledi. Baǵdarlamaǵa 2012 jyldyń eń úzdik azııalyq kórkem fılminiń halyqaralyq baıqaýy jáne 2012 jyldyń eń úzdik azııalyq derekti fılminiń halyqaralyq baıqaýy enedi.
«Aqqyz» sondaı-aq 6-12 qazan kúnderi aralyǵynda Antalııada ótetin «Altyn apelsın» 49-ynshy Halyqaralyq kınofestıvaline qatysady.
48th International Antalya Golden Orange Film Festival - Azııadaǵy eń kóni ári tanymal festıval jáne túrik kınematografııasyndaǵy asa mańyzdy oqıǵa. Túrkııada bul festıvaldi «Ulttyq kınostýdııanyń oskary» dep ataıdy.
Sondaı-aq atalmysh festıval barysynda Sh.Aımanov atyndaǵy «Qazaqfılm» stýdııasynyń týyndysy, Dárejan Ómirbaevtyń «Stýdent» fılmi kórsetiletin bolady.
Eske salaıyq, «Aqqyz» kartınasy 2011 jyldyń qarashasynda Tallınde ótken «Qara tún» mereıtoıly XV kınofestıvaliniń negizgi konkýrstyq baǵdarlamasyna, odan buryn Úndistandaǵy «Osian's-Cinefan» festıvaline qatysty.
