Qazaqtyń «Aǵajaı» mýzykalyq drama teatry - Úrimshi sahnasynda
ASTANA. Naýryzdyń 10-y. QazAqparat /Rızabek Núsipbekuly/- Qytaıdaǵy qandastarymyz qurǵan «Aǵajaı» mýzykalyq drama teatry Halyqaralyq áıelder merekesin toılaý barysynda Úrimshi qalasy turǵyndarynyń kózaıymyna aınaldy.
Bul týraly QazAqparat Şınhýa agenttigine silteme jasap habarlaıdy.
«Aǵajaı» ـــ Qytaı qazaqtaryna keńinen taraǵan baıyrǵy halyq áni.
«Ór Altaıdan dúrkirep el kóshti ǵoı,
Aq dalanyń tósinen oq esti ǵoı.
Qara arǵymaq súrinip qý tomarǵa,
Qara nardyń buıdasyn jaý kesti ǵoı.
Aǵajaı, Altaıdaı jer qaıda-aı!
Elim kóship, ańyrap jerim qaldy,
Asqar asý shuraıly belim qaldy.
Omyraýyn qart ana jaspen jýyp,
Qaraı-qaraı mekenge kózim taldy.
Aǵajaı, Altaıdaı jer qaıda-aı!»,- dep shyrqalatyn bul ánde aşy muń, ózekti órter saǵynysh, elinen, jerinen aıyrylǵan halyqtyń aıanyshty hali sýretteledi. Osy ándi negiz etip qurylǵan «Aǵajaı» mýzykalyq drama teatry Altaı qazaqtarynyń dástúrli án-bıin jańartý, halqymyzdyń turmys-saltyn nasıhattaý maqsatynda jumys jasap keledi.
Osy jolǵy qoıylymda qazaq halqynyń turmys-tirshiligi, mádenıeti tereń beınelendi, sóıtip ujym Qytaıdaǵy túrli ult ókilderiniń ystyq yqylasyna bólendi.
