Qazaqtyń Abaı atyndaǵy ulttyq pedagogıkalyq ýnıversıteti Naýryz dýmanyn ótkizedi

dep habarlaıdy QazAqparat.

Ol bıyl da qalyptasqan dástúr boıynsha M. Gorkıı atyndaǵy ortalyq mádenıet jáne demalys baǵyndaǵy «Spartak» stadıonynda bolady. Naýryz toıynda stýdentterge arnalǵan merekelik dastarhan jaıylyp, ulttyq as máziri usynylady. Sondaı-aq «Salaýatty ýnıversıtet» spartakıadasy ótkizilip, qazaq estradasynyń juldyzdary men oqý ornynyń ónerli jastary merekelik kontsert qoıady.

Qazaqstandaǵy eń baıyrǵy pedagogıkalyq joǵary oqý orny ótken jyly 80 jyldyq mereıtoıyn atap ótken bolatyn. Almaty qalasynda 1928 jyly qyrkúıektiń 1-inde Qazaq memlekettik ýnıversıteti degen atpen ashylǵan bilim ordasynyń ataýy 1930 jyly Qazaq memlekettik pedagogıkalyq ınstıtýty dep ózgertildi. 1935 jyly oǵan Abaıdyń esimi berilip, 1990 jyly Abaı atyndaǵy Qazaq memlekettik pedagogıkalyq ýnıversıteti, 1992 jyly Abaı atyndaǵy Almaty memlekettik ýnıversıteti, 2000 jyly «Abaı atyndaǵy Almaty ýnıversıteti» JAQ, 2003 jyly «Abaı atyndaǵy Qazaq ulttyq pedagogıkalyq ýnıversıteti» respýblıkalyq memlekettik kásiporny bolyp ózgertildi.