«Qazaqty «uly ult» etetin qyrýar baılyǵy emes...» - respýblıkalyq basylymdarǵa sholý

***

«Memleket basshysy Nursultan Nazarbaevtyń taǵy bir tapsyrmasy Qyzyljar óńirinde oryndaldy. Ol - "Qyzyljar-1300" dep atalatyn astyq kombaınynyń qurastyrylýy. Joba jýyrda júzege asyp, sý jańa on tehnıka óz ıelerin tapty. "QazBelagroprommash" birlesken kásiporny" JShS-nyń ashylý saltanatyna jınalǵandardy otandyq aýylsharýashylyǵy tehnıkalarynyń básekege qarymdy qyrlary erekshe qyzyqtyrdy», dep jazady «Egemen Qazaqstan» gazeti búgingi nómirinde jaryq kórgen «Qyzyljar» kombaıny shyǵaryla bastady» degen maqalasynda. Basylymnyń atap ótýinshe, JShS keleshekte jylyna 250 kombaın qurastyrýdy mejelep otyr. Bir kombaınnyń baǵasy 17 mıllıon teńgeni quraıdy. Reseıdikine qaraǵanda 5 mıllıon teńgege arzan. Sonymen qatar úsh deńgeıli tazartý masaqtan dánniń tolyq alynýyna, 260 attyq kúshi bar qýatty motor bir saǵatta 12-14 tonna astyq tazartýǵa múmkindik beredi. Kabına kondıtsıonermen, kompıýtermen jabdyqtalǵan.

Keshe Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń otyrysy ótti. Onda Májilistiń salalyq komıtetteriniń usynýymen aldaǵy aptada ótetin jalpy otyrystyń kún tártibine usynylatyn máseleler qaraldy. «Egemen Qazaqstan» gazetiniń jazýynsha, depýtattardyń talqysyna birqatar halyqaralyq qujattardy bekitýdi kózdeıtin zań jobalary usynylatyn boldy. Atap aıtqanda, "Qazaqstan Respýblıkasy men Koreıa Respýblıkasy arasyndaǵy Ustap berý týraly shartty ratıfıkatsııalaý týraly", "Qazaqstan Respýblıkasy men Koreıa Respýblıkasy arasyndaǵy Qylmystyq ister boıynsha ózara quqyqtyq kómek týraly shartty ratıfıkatsııalaý týraly", "Ýaqytsha ákelý týraly konventsııany ratıfıkatsııalaý týraly" jáne "Qazaqstan Respýblıkasy men Eýropa Investıtsııalyq Banki arasyndaǵy Eýropa Investıtsııalyq Bankiniń Qazaqstan Respýblıkasyndaǵy qyzmetin retteıtin negizdemelik kelisimdi ratıfıkatsııalaý týraly" zań jobalary palatanyń jalpy otyrysynyń kún tártibine usynyldy.

«Egemen Qazaqstan» gazetiniń jazýynsha, EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev Ýkraına Syrtqy ister mınıstri Konstantın Grışenkomen telefon arqyly sóılesti. Syrtqy saıasat vedomstvolarynyń basshylary áńgime barysynda ústimizdegi aıǵa josparlanyp otyrǵan Qazaqstan Respýblıkasynyń Prezıdenti Nursultan Nazarbaevtyń Ýkraınaǵa resmı saparyna daıyndyq jáne ótkizý máselelerin talqylady. Taraptar aldaǵy joǵary deńgeıdegi kelissózder Astana men Kıev arasyndaǵy únqatysýdy tereńdetýge jáne keńeıtýge jańa mańyzdy serpin qosatynyna senim bildirdi. Sondaı-aq jeltoqsannyń 1-2 kúnderi elordada ótetin EQYU sammıtiniń kún tártibi máseleleri qaraldy.

***

Burnaǵy kúni Pavlodar oblysyndaǵy «Ertis ormany» MM Shaldaı fılıalyna qarasty ıt tumsyǵy ótpeıtin qaraǵaıly alqapta alapat órt bolyp, qorytyndysynda alty adamnyń ómirin jalmady. Jyldamdyǵy sekýndyna otyz metrge deıin jetken daýyl da órttiń órshýine oń jaǵdaı jasaǵan. Adamdardy jáne tabıǵat jamylǵysyn aman alyp qalý úshin oblysta shuǵyl shtab quryldy. Osyǵan oraı «Aıqyn» gazetiniń senbilik sanynda «Ormandaǵy órt áli sóngen joq» degen taqyryppen mqaal basyldy. «Eldi eleń etkizgen qaıǵyly jaǵdaıdy joıý maqsatynda Tótenshe jaǵdaılar mınıstrligi arnaıy eki «Mı-8» tikushaǵyn jiberdi. Sonymen qatar, jergilikti orman sharýashylyqtary, tótenshe jaǵdaılar departamenti, qalalyq jáne aýdandyq erikti órt sóndirýshiler quramdary, tehnıkalary men mamandary jumyldyryldy. Eń qaýiptisi, turǵyndardy dúrliktirgen tilsiz jaý kórshiles Shyǵys Qazaqstan oblysyna qarasty «Semeı ormany» jáne Reseı Federatsııasynyń Altaı aımaǵyna ótip ketken. Bir ókinishtisi, órtten kóz jumǵan adamdardyń ómirin qaıtarý endi qoldan kelmeıdi. Tipti alapat ot bir otbasy músheleriniń ómirin qıdy. Qazirgi ýaqytta órttiń shyǵý sebepteri tergelýde. Tótenshe jaǵdaılar mamandary qasaqana ormanǵa ot qoıý deregin joqqa shyǵaryp otyr. Aldyn ala dolbar boıynsha, tilsiz jaý elektr jelilerindegi qysqa tuıyqtalýdan shyqqan. Biraq bul áli túpkilikti dáleldengen joq. Basqa sebepterdiń bolýy da ǵajap emes», dep jazady basylym.

«Ótken aptada oblys ortalyǵynda bolǵan Aýyl sharýashylyǵy mınıstri Aqylbek Kúrishbaev ózge óńirdegiler sekildi nan men unnyń baǵasyn qymbattatpaý jóninde aımaq basshysy Qanat Bozymbaevpen memorandýmǵa qol qoıdy. Degenmen araǵa bir-eki kún salyp, Taraz qalasyndaǵy ortalyq bazarda un ónimderiniń baǵasy kúrt kóterildi», dep jazady «Aıqyn» gazeti. Atap aıtqanda, ortalyq bazarda ótken aptada 1-sortty bir qap unnyń baǵasy 2400 teńge bolsa, joǵary sortty unnyń baǵasy 2900 teńge bolǵan. Al bir aptanyń ishinde 1-sortty unnyń baǵasy 2900 teńgege, al joǵary sortty unnyń baǵasy 3200 teńgege kóterilgen. Oblys ákimdiginiń aýyl sharýashylyǵy basqarmasynyń mamandary muny naryq zamanynyń talaptarymen túsindirip otyr. ıAǵnı unnyń baǵasy kóterilse, oǵan degen suranystyń artqany. Bul jaıynda basylymnyń búgingi sanyndaǵy «Unnyń baǵasy nege kóterildi?» degen maqaladan oqı alasyzdar.

Osy basylymnyń dástúrge aınalǵan «Aq sóıle!» aıdarynyń búgingi qonaǵy - «Nur Astana» gazetiniń bas redaktory, «Daryn» memlekettik jastar syılyǵynyń laýreaty Ǵabıt Músireppen aradaǵy suhbat «Qazaqty «uly ult» etetin qyrýar baılyǵy emes...» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol «Qazynamyz jetkilikti, áıtse de halqymyz nege baqýatty emes? Bul saýalǵa qatysty oıymyzdy alpaýyt AQSh-tyń 26-shy prezıdenti Teodor Rýzvelttiń tujyrymymen túıindegim keledi. «Bizdi uly ult retinde baılyǵymyz emes, ony qalaı paıdalana bilýimiz áıgileıdi». Olaı bolsa, Rýzvelttiń aıtqanyn qazaqqa qaraı ıkemdeıtin bolsaq, qazaqty «uly ult» etetin qyrýar baılyǵy emes, bar baılyqty ornymen kádege jarata bilýinde bolyp shyǵady», deıdi.

***

«Memleket basshysy Nursultan Nazarbaev Reseı Federatsııasynyń Prezıdenti Dmıtrıı Medvedevke kóńil aıtý jedelhatyn joldady», dep jazady «Kazahstanskaıa pravda» gazeti Qazaqstan Respýblıkasy Prezıdentiniń baspasóz qyzmetine silteme jasap. Onda «Qazaqstanda Vladıkavkazdaǵy lańkestik áreket saldarynan adamdardyń qaıtys bolǵany týraly habardy tereń kúızelispen qabyldady», dep atap ótilgen.

"Qazaqstan halqynyń jáne jeke óz atymnan qaıtys bolǵandardyń otbasylaryna, týǵandary men jaqyn týystaryna qatty qaıǵyryp kóńil aıtamyn", - delingen Memleket basshysynyń jedelhatynda.